Asociación d'Uvieistes 'Espíritu 2003'

COMUNICÁU OFICIAL

L'Asociación d’Uvieistes "Espíritu 2003" quier lo primero da-y les gracies al Ayuntamientu d’Uviéu por cumplir el compromisu fechu pol alcalde, D. Gabino de Lorenzo, de tar na ampliación de capital del Real Uviéu SAD.

Tamién, en segundu llugar, prúyenos espresar el nuestru deséu de qu'esti dineru, que ye de tolos ciudadanos d’Uviéu, sirva pa garantizar una xestión positiva y tresparente del Real Uviéu, y que nun vaya ser un "cheque en blancu" al serviciu de los máximos aicionistes que, güei o nel futuru, tean al mandu del Real Uviéu.

A l'Asociación d’Uvieistes "Espíritu 2003" abulta-y que l'Ayuntamientu d’Uviéu, tien una oportunidá histórica de facer xusticia devolviendo-y la entidá a los que lleven 81 años demostrando ser dafechu los únicos propietarios llexítimos del Real Uviéu: Los Uvieistes.

Por too eso solicitamos-y al Ayuntamientu que tome les midíes encaminaes a garantizar la participación de los uvieistes nel destino del Real Uviéu, pa evitar que vuelva a convertise, otra vuelta, nel feudu de personaxes tan aciagos como los que nos llevaron na última década a esta llamentable situación social, económica y deportiva.

Pa too esto pidimos-y tamién a socios, aicionistes, asociaciones y peñes del Real Uviéu, que, dende la unión de toos, demuestren otra vegada más la so capacidá d'enfrentase a los retos, involucrándose activamente en devolver al Real Uviéu a la categoría, y a los dueños que -y correspuenden.

¡PUXA UVIÉU!

< - + >