11 de Xineru del 2008
NOTICIES
L'Asociación d'Uvieistes "Espíritu 2003" quier comunicar a los sos
asociaos (y a tolos uvieistes en xeneral) les actividaes y noticies que
vienen darréu:
- Punxímonos otra vegada en contautu colos tres grupos
municipales del Ayuntamientu d'Uviéu porque tamos enfotaos en qu'entiendan
que ye perimportante que les aiciones
del ayuntamientu sirvan pa que l'afición uvieista tea daqué que dicir nel Real
Uviéu como SAD.
ver el testu de los correos
unviaos
- L'Asociación pon una mesa nel Carlos Tartiere (na esquina
NE, xunto'l bustu d'Armando Barbón), en tolos partíos del Real
Uviéu. Nesa mesa tolos asociaos son a renovar el so carné pa esta
temporada (3€) y cualesquier uvieista pode dase d'alta como nuevu asociáu
(10€).
- Ya tán comencipiando a llegar los primeros trabayos pal "Concursu de
rellatos curtios". Cualesquier uvieista pode lleelos nel blog fecho pa
ello, onde, amás, puédense dexar dellos comentarios. Hai qu'alcordar que, según
les bases de la convocatoria, el xuráu tien d'elixir al ganador d'entre los rellatos meyor valoraos polos aficionaos.
Dir al blog
colos rellatos
- Tamién tamos dando los pasos necesarios pa recoyer
delegaciones de votu pa la próxima Xunta Xeneral d'Aicionistes del Real
Uviéu SAD, e invitamos a tolos pequeños aicionistes a
que dexen sentir la so voz aglutinándola na Asociación Espíritu 2003, que
tien por llema
dende la so fundación: "un uvieista, un votu". Sin embargo,
mientres que nun tea espublizada la convocatoria oficial pa la Xunta d'aicionistes, nun podemos
ofrecer nengún modelu de delegación, porque siempres tien que figurar la fecha, hora y
llugar de convocatoria.
< -
+ >
