26 de Xineru del 2008
Campaña: Una cai dedicada'l Real Uviéu L'Asociación Espíritu 2003 entama una campaña de recoyida de firmes col
oxetivu de lleva-y al Ayuntamientu d'Uviéu una petición pa da-y el nome d'una cai o plaza significativa de la ciudá, al Real
Uviéu,
institución que, dende la so fundación nel añu 1926, ta nel corazón y sentir
de la ciudá, y representa'l sentimientu de los milenta uvieinos y uvieistes que
dende ello formen parte del
Real Uviéu. Pidimos entós, a tolos uvieinos y uvieistes, la so firma y la so
collaboración, pa que'l nuestru Real Uviéu y la ciudá d'Uviéu mantengan
el compromisu que garraron nel 1926. La recoyida de firmes va entamar facese na mesa qu'Espíritu 2003 pon nel Carlos Tartiere
xunto al bustu d'Armando Barbón, dende les
16:00 hores del próximo domingu, y tolos díes nel Pub El Desván que ta na Cai Rosal,
49. Prestaríanos que bien ceo, cola collaboración de tolos uvieistes, la recoyida de firmes pueda
llegar a tolos rincones de la ciudá d'Uviéu. Cualesquier persona interesada en collaborar, pode imprimir el modelu dende
equí y entregalo, coles firmes recoyíes, na
mesa de l'Asociación nel Tartiere o nel Pub El Desván.
© Asociación d'Uvieístes "Espíritu 2003", 2008.
