30 de Xineru del 2008

Campaña:
Un bosque Uvieista

Otra iniciativa de l'Asociación, presentada nes reuniones colos representantes municipales de Psoe y Asciz, fue pidir que se faga na ciudá un bosque con 82 árboles (ún per añu d'hestoria del Real Uviéu) y al que tolos 26 de marzu se -y añada ún nuevu.

Tamién se-yos dixo que prestaríanos que'l bosque tuviere nel ámbitu del Carlos Tartiere y que yera perguapu que fueren especies autóctones (sobre too carbayos), pero dexando les cuestiones téuniques pa los funcionarios municipales de parques y xardines.

Esta iniciativa tamién fue perbien acoyida por dambos grupos municipales, y comprometiéronse a presentala na comisión plenaria d'infraestructures.

Ye necesario alcordar que les reuniones colos  grupos municipales fueron solicitaes per l'Asociación Espíritu 2003 acabante entamar esti mes de xineru (xustu col anunciu de la convocatoria de Xunta Xeneral d'Aicionistes del Real Uviéu SAD); estos aconceyamientos fueron mui fructíferos y cordiales colos grupos de l'oposición, mientres qu'entovía tamos esperando la respuesta del grupu municipal del PP.

< -                                                                                      + >