El pasáu domingo entamó la campaña pública de recoyida de firmes pa pidir al Ayuntamientu d'Uviéu una cai col nome "Real Oviedo".

L'afluencia d'aficionaos a la mesa de l'Asociación fue perimportante ( puxar equí pa ver semeyes ) aprovechando munchos uvieistes pa, amás de firmar la solicitú pa la cai, renovar el carné d'asociáu o dase d'alta na Asociación.

Nel mesmo marcu de la campaña, y aprovechando'l conseyu con dellos conceyales uvieinos del Psoe y Asciz (fecho pa pidir la representación ciudadana de les Aiciones del Real Uviéu SAD de propiedá municipal), los miembros de l'Asociación Espíritu 2003 propusieron-yos esta idea. Dambos grupos comprometiéronse a sofitar l'iniciativa, comprometiéndose  dafechu D. Roberto Sánchez Ramos a presentar nesti sen una moción al Plenu del Ayuntamientu.

D'otramiente y pa da-y un meyor impulsu al pidimientu, vamos siguir cola campaña de recoyida de firmes. Cualesquier uvieista pode participar nella na más imprimiendo'l modelu de fueya  de firmes ( d'equí ); na más que tean llenes de firmes, les fueyes pueden entregase nel Pub El Desván (na cai Rosal d'Uviéu) o  na mesa de l'Asociación nel Tartiere nel próximu partíu escontra'l Real Avilés.

< -                                                                                      + >