8 de Febreru del 2008

Mesa nel Tartiere

El próximu domingu, nel partíu escontra'l R. Avilés Industrial, davezu vamos volver poner una mesa nel Tartiere (xunto al bustu d'Armando Barbón) na que, va podese:

• Renovar el carné (o facese nuevu sociu) pa la temporada 2007-08.
• Delegar na Asociación la representación d'aiciones pa la próxima Xunta d'Aicionistes del Real Uviéu SAD (l'impresu de delegación pode imprimise d'equí).
• Firmar pa la campaña: "Una cai pal Real Uviéu" o dexar les firmes recoyíes nesti formulariu.
• Pidir información de l'Asociación, entregar rellatos pal "concursu de rellatos curtios" o semeyes de la temporada 2003-04, informare de la campaña "el R. Uviéu nes Escueles" y pa ofrecese a collaborar nes distintes actividaes de l'Asociación d'Uvieistes "Espíritu 2003".

PRESTARÍANOS VEROS.

 

< -                                                                                      + >