Asociación d'Uvieistes 'Espíritu 2003'

ACTU DE PRESENTACIÓN OFICIAL DE L'ASOCIACIÓN

El Xueves 21 d'avientu de 2006, fixóse, nel Auditoriu "Príncipe Felipe" d'Uviéu, la presentación oficial de l'Asociación d'Uvieistes "Espíritu 2003".

Cola sala llena d'aficionaos y la presencia de munchos medios de comunicación, l'actu encomencipió cola presentación de la Xunta Xestora (puxa equí pa ver delles semeyes), que remarcó'l so carácter de provisionalidá mientres que, en xineru, tea de facese la primer Asamblea Xeneral de l'Asociación.

Llueu proyectóse un videu demostrativu de lo que ye pal uvieismu'l Espíritu del 2003 (puxa equí pa ver el videu, pa velo ye necesariu'l programa flash payer: Si nun lo tienes, pues baxalu de baldre dende equí), nun pudiendo munchos de los asistentes reprimir delles llárimes en dalgunos momentos del mesmu (viendo la semeya d'Armando Barbón, de los aficionaos retirando la nieve del Tartiere o los goles d'Ávila...).

A continuación, la presidenta de la xunta xestora espuxo los oxetivos de l'asociación y les llinies xenerales de la so actuación (puxa equí para lleer la so esposición), pasándose llueu a realizase un animáu coloquiu que contó con numberoses entrugues de los asistentes.

L'actu finó agradeciendo nuevamente la asistencia de tolos presentes e invitándo-yos a inscribise n'Asociación nesi mesmo momentu, alcordando tamién que, mientres la primera Xunta Direutiva (elixida pol mecanismu "ún sociu, ún votu") nun estableza la forma de trabayu de los establecimientos collaboradores, tolos oviedistes interesaos en facese socios d'Espíritu 2003 van poder inscribise nes meses que se tendrán de poner nel Tartiere nos partíos del Real Uviéu.

D'otra miente, hai que dicir que numberoses personalidaes tán manifestando'l so sofitu dafechu a l'Asociación, mal que por dellos motivos nun pudieren tar nel actu d'ayeri (puxa equí pa ver sofitos a l'asociación).

< - + >