Asociación d'Uvieistes 'Espíritu 2003'

COMUNICÁU OFICIAL DE LA XUNTA XESTORA

Al rodiu de la situación que vive güei'l club, la Xunta Xestora de l'Asociación d'Uvieistes "Espíritu 2.003", y p'aclarar delles informaciones salíes na prensa y delles dubies que pué haber entre los aficionaos, quier comunicar a los sos socios y tolos uvieistes en xeneral lo siguiente:

- Que, na ausencia duna decisión asamblearia de los sos socios que defina'l so sentir, la Xunta Xestora qu'agora dirixe dafechu l'Asociación nun tá, ni se siente, llexitimada p'adoptar dalguna postura, ni, por tanto, pa defendela, cualesquier que fuera, na Xunta Xeneral d'Aicionistes que va celebrar el Real Uviéu'l próximu día 18.

- Que por esti mesmo motivu, y pola naturaleza transitoria y provisional que define a la Xunta Xestora, NUN solicita delegación d’aiciones p’asistir a dicha Xunta d’Aicionistes como Asociación.

- Que mantiénse intautu l'oxetivu d’algamar pa l’afición una representación llegal constante nel Conseyu d’Alministración del Real Uviéu, por drechu propiu y del protagonismu que se merez, independientemente de la estructura aicionarial del club en cada momentu.

- Que, pensando en próximes Xuntes d’Aicionistes, continua tamién la nuesa intención de dotar a l’Asociación de fuerza y representatividad abonda, pa lo que'l primer y fundamental pasu ye convocar a tolos socios uvieistes que -yos preste formar parte de “Espíritu 2.003” y sumase asina a los nuesos esfuerzos por defender los intereses del club y de l’afición, esti domingu, día 14, nel Carlos Tartiere, una hora antes y nel descansu del partidu que va xugar nuestru Real Uviéu conta la Cultural na mesa que se va poner xunto la escultura d’Armando Barbón pa que puedan inscribise na Asociación.

CONTAMOS CONTIGO

¡¡PUXA UVIÉU!!

< - + >