26 de Marzu del 2008

 

FALLU DEL CONCURSU DE RELLATOS CURTIOS ESPÍRITU 2003

 

D'acuerdu cola base 12.ª del Concursu de Rellatos Curtios, güei, día 26 de marzu del 2008, 82.º aniversariu de la fundación del Real Uviéu, ye ello facer pública l'acta del xuráu del concursu.

Según l'acta, el xuráu decidió proclamar ganador del premiu (una cena pa dos persones nel Restaurante De Labra d'Uviéu) a D. Raúl Castañón pol rellatu "Ser Capaz de No Olvidarlo".

Tamién, y pola calidá de los rellatos presentaos, el xuráu decidió dar los 3 accesits previstos na 8.ª base de la convocatoria (una camiseta del Real Uviéu SAD firmada por un xugador de la primer plantía pa caún), a los rellatos citaos darréu: "L'Entierru" presentáu por D. Jorge Fernández, (dafechu'l más votáu na encuesta popular), "La Torre de Hércules", presentáu por D. Herminio García-Riaño y "San Valentín in Blue" presentáu por D. Raúl Castañón.

D'otra miente, según 11.ª base del concurso, nel acta fízose tamién pública la composición del xuráu que fue la que vien darréu: los filólogos D. Rodolfo Díaz y D. Luis Castelerio (ésti ascritu a la Oficina de Política Llingüística de la Conseyería de Cultura del Principáu d'Asturies) y el periodista de Radio Asturias D. Ángel Fernández, actuando como secretariu del xuráu, con voz pero ensin votu, el de l'Asociación, D. Pedro Cilleros.

La nuesa más cordial norabona a los ganadores, colos que va contautar direutamente l'Asociación.

L'acta completa pode baxase d'equí.

Pa lleer l'acta ye necesariu'l programa Adobe Reader. Si nun lo tienes, pues baxalu de baldre dende esti enllace:

 

< -                                                                                      + >

 

© Asociación d'Uvieístes "Espíritu 2003", 2008.