15 de Mayu del 2008

Un mes dempués...

Va ya más d'un mes dende qu'el  nuestru coyaciu y amigu Diego tuvo'l terrible accidente de tráficu y les noticies, a Dios gracies, son perbonas.

De pocu a pocu, Diego va superando etapes nel so procesu de recuperación, tal ye ello que los mesmos médicos que lu atienden tan asustaos de la so favoratible evolución.

La so recuperación va ser entovía llarga pero, polo menos, Diego ya saló de la UCI del Hospital.

Agora les visites tan acotaes polos médicos namás a la so familia, pero ye pa nun estorbar la so recuperación.

Dende l'Asociación d'Uvieistes Espíritu 2003, nel so nome y nel de tola so familia y amigos, prestanos agradecer a tol uvieismu y, especialmente, al Real Uviéu y a les distintes Peñes, toles muestres de solidaridá recibíes.

 

Otres noticies

• RIFA: El próximu domingu, na mesa que l'Asociación pon en cada partíu nel Carlos Tartiere (na esquina xunto'l bustu d'Armando Barbón), dellos minutos antes d'empezar l'alcuentru van rifase por fin les papeletes vendíes pola Asociación na Folixa d'Aniversariu del Real Uviéu del 5 d'abril.

 

• "L'ESPÍRITU DE 2003", EL LLIBRU: A l'Asociación d'Uvieistes Espíritu 2003 presta-y anunciar que bien pronto va vender un documentu únicu que recueye l'historia d'un club al borde del abismu na época más crítica de la so perllarga trayectoria (ver más).

 

• EL REAL UVIÉU NES ESCUELES: siguiendo cola campaña que l'Asociación -en collaboración col Real Uviéu- tien en marcha, el próximu domingu va dir de baldre al partíu del Real Uviéu otru grupu de escolinos. 

 

 

< -                                                                                      + >

 

© Asociación d'Uvieístes "Espíritu 2003", 2008.