Asociación d'Uvieistes 'Espíritu 2003'

31 de Mayu del 2008

Presentación del llibru
"El Espíritu de 2003"

Ayeri vienres, nel "Foru Abiertu" de la Llibrería Cervantes d'Uviéu, presentóse'l Llibru "El Espíritu de 2003".

Nel actu, con xente abondo, falaron Eduardo Álvarez, presidente de l'A.O. Espíritu 2003; Manuel Lafuente, presidente del Real Uviéu na Temporada 2003-2004; Diego Cervero, xugador del Real Uviéu; Manuel Ruiz, delegáu del Real Uviéu na Temporada 2003-2004 (y representante de Coveisa-Opel, que patrocina'l llibru) y Neto, humorista gráficu de La Voz de Asturias, Les Noticies y Oviedo Diario.

Amás, darréu entregáronse los premios del concursu de Rellatos Curtios Espíritu 2003.

El llibru tá ya a la venta col preciu de 10.00 Euros nes principales llibreríes d'Asturies y nes Oficines del Real Uviéu. Tamién va podese mercar mañana domingu nel puestu que l'Asociación tien nel Tartiere (na esquina NE, xunto al bustu d'Armando Barbón). Los uvieistes lloñe d'Asturies van poder mercalo online en delles llibreríes que disponen d'esi serviciu (por exemplu dende equí).

Puxando nel iconu que tá manzorga d'esta páxina (el que ye la portada del llibru), vase al so índiz.

D'otra miente, nel apartáu Revista de Prensa (sección Radio y TV) tá un enllace al reportax de la presentación del llibru qu'emitió güei la TPA.

< - + >