6 de Xunu del 2008
El bosque uvieista
A l'Asociación d'Uvieistes Espíritu 2003, nel so enfotu de cumplir el so
oxetivu fundacional de promover l'uvieismu, presta-y anunciar la
concreción d'un nuevu proyeutu, nel que lleva dellos meses trabayando: El Bosque
Uvieista.
El próximu miércoles día 11 de xunu, a les 19:30 hores, y en coordinación colos
Servicios Municipales de Xardinería, van plantase 82
árboles nel Parque l'Oeste, tantos como años tien el
club de nueso, col propósitu de dir creando col tiempu un nuevu puntu de referencia
na ciudá que
l'afición uvieista sienta como especialmente suyu. Lo que va plantase, nun podía ser d'otra forma,
ye... ¡82 perguapos carbayones!
La plantación van facela tolos aficionaos uvieistes a los que
-yos pete contribuir coles sos manes a aniciar esti puntu d'alcuentru.
Prestaríanos veos a toos ellí y que sobren manes pa demostrar que, pese a
les adversidaes, l'uvieismu sigue vivu y ta mirando ya de nuevu pal futuru.
© Asociación d'Uvieístes "Espíritu 2003", 2008.
