Asociación d'Uvieistes 'Espíritu 2003'

ASAMBLEA XENERAL ESTRAORDINARIA

Ayeri martes, nel auditoriu 'Príncipe Felipe' d’Uviéu, fízose la primer asamblea de l’Asociación d’Uvieistes 'Espíritu 2003'.

Con una perbona asistencia d’asociaos (casi el 50% entre presentes y representaos), la Xunta Xestora abrió la sesión y pasóse a tratar l’urden del día.

Nel primer puntu, Informe de la Xunta Xestora, presentáronse, mui detallaos, tolos ingresos y gastos realizaos hasta agora por l’Asociación.

Nel segundu puntu del Urden del día, presentóse namás una candidatura, polo que fue elixida por unanimidá y que tá formada por:

PRESIDENTE: Sandra Díaz Rodríguez.
VICEPRESIDENTE Eduardo Álvarez Sanahuja.
TESORERU Diego Alonso Fernández.
SECRETARIU Miguel Ángel Juesas Fernández.
VOCALES:
- David García Fernández.
- Rubén García Álvarez.
- Javier de Andrés Suárez.

La nueva Xunta presentó a l'asamblea les sos propuestes de llinies d’actuación pa esta temporada, entre les que destaquen: potenciar l’Asociación, l’establecimientu de rellaciones con distintes instituciones y delles actividaes encaminaes a potenciar l’uvieismo.

Nel tercer puntu de l’urden del día, la nueva Xunta Direutiva propuso facer dellos cambios nos estatutos de la sociedá pa solventar dellos problemes de funcionamientu colos qu'alcontróse nesti tiempu; les propuestes fueron debatíes y matizaes, pa, llueu, aprobar l’Asamblea tolos cambios.

Los cambios más importantes son: l'apertura de l’Asociación a tolos uvieistes (ya nun fai falta tar abonaos o ser aicionistes del Real Uviéu) y que báxase l’edá pa votar na Asamblea a los 16 años.

Na más que tea fecha l’acta de l’Asamblea, espublizaráse nesta web.

La Xunta Direutiva

¡¡PUXA UVIÉU!!

Nuevos Estatutos

Pa ver los estatutos ye necesariu'l programa Adobe Reader. Si nun lu tienes, pues baxalu de baldre dende esti enllace:

< - + >