Asociación d'Uvieistes 'Espíritu 2003'

AXUNTAMIENTU COLA FADE

La Xunta Direutiva l’Asociación d’Uvieistes "Espíritu 2003" alcontróse con D. Severino García Vigón, Presidente de la Fade y la Cámara Comerciu d’ Uviéu.

L'alcuentro desarrollóse nun ambiente perbono, siendo les idees y oxetivos d’Espíritu 2003 mui bien acoyíes pol Sr. Vigón, que mostróse especialmente interesáu nel novedosu conceutu de l'Asociación de 'ún sociu, ún votu', como presupuesto p'algamar l’oxetivu de fomentar l’uvieismu dientro la ciudá y la rexón.

De les sos pallabres, prestanos destacar la so reflexón, que compartimos, de lo perimportante que ye pa la economía la ciudá, y más pa dalgunos sectores, como la hostelería, que’l Real Uviéu tea en categoríes deportives más altes; esto nun fai na mas que reforzar ún de los pillares d’E03: axuntar a tolos sectores de la ciudá y de la rexón en sintonía col R. Uviéu.

Dellos resultaos del alcuentro son: el sofitu personal del Sr. Severino García Vigón, una llista perinteresante de contautos colos empresarios de la ciudá, dalgunos perbonos conseyos y la posibilidá de disponer dalgunos de los medios de la Cámara Comercio, como ye los salones, si n’algún momentu necesitáramoslos.

Dende la Xunta Direutiva l’Asociación queremos agradecer el perbon trato recibío, tanto pol propiu Sr. Vigón, como por tol so equipu.

¡¡Puxa Uviéu!!

Subida a la web l’acta de l’Asamblea Xeneral

Ya ta nesta web (EQUÍ) l’acta de l’Asamblea Xeneral Estraordinaria del pasao 30 de xineru de 2007.

< - + >