L'actividá consiste en participar na carrera cola camiseta del Real Uviéu, cuanta más xente meyor, y, tras finala facese una "semeya de familia" xunto a la estatua del viaxero na Plaza Porlier.

L'añu pasáu ya foi notable la presencia de camisetes uvieistes nos 4.4 km del recorríu y a la semeya sumáronse 19 uvieistes. Esti añu hai que batir esi númberu: tien que se notar que, anque pasando époques difíciles, el Real Uviéu ta más vivu que nunca porque asina quiérenlo los sos aficionaos.

Imaxinamos que taréis entrugándovos por qué asoleyamos esta actividá tan ceo.

La única razón ye que preparamos un pequeñu plan d'entrenamientu que consta de 6 selmanes pa poder facer la San Silvestre con plenes garantíes. Hai que dicir, que correra tampoco nun precisa una preparación mui especial pues ye bastante curtia, pero de xuru qu'esti plan va a veni-yos perbien a dalgunos/es de los que s'animen.

Ca fin de selmana, publicaremos el plan pa la siguiente.

Esperamos que la iniciativa tea l'éxitu del añu pasáu y que tiñamos d'azul les cais d'Uviéu nes hores caberes del 2009.