Esta selmana, col partíu escontra’l Condal, fina l'actividá “El Real Uviéu y les escueles”, qu'E03 vien desendolcando davezu toa ésta temporada 08/09.

Nestos delicaos momentos que tocónos vivir al uvieismo, a E03 presto-y aportar el so granín de sable pa que los más pequeños de la nuestra ciudá puedan sentir el color azul dende bien ceo.

Al rodiu 2.000 neños/as pudieron dir a ver los partíos del Real Uviéu gracies a ésta iniciativa y tamos bien xuros que munchos d'ellos van repetir en socesives temporaes o que vamos ganalos como socios del club, especialmente (nun vamos engañanos), si'l club va ascendiendo categoríes deportives.

Dende E03 queremos da-yos les gracies especialmente a Vicky (Real Uviéu) pola so infinita amabilidá pa con nos, a toles collaboradores del club que nos ayuden a sacar a los neños pa facer la semeya col equipu, al porteru de la puerta 34 (siempres buscando la meyor solución a los problemes que se planteaben), a toles escueles que participaron na actividá (d'Uviéu y del resto d’Asturies) y, por supuesto, a Jorge, Rocio, Jaime, Pedro, Clara, Jose... esos uvieistes anónimos, socios d’E03, que patiaron la ciudá cada quince díes para repartir les entraes. Esta actividá nun hubiera podiu facese sin vosotros.

L’añu que vien más y meyor, esperemos qu'en 2.ª B.

Si cualesquier persona tá interesada en ponese en contautu cola Asociación pa collaborar cola actividá na temporada 2009/2010 na más tien que mandanos un corréu dende la sección “Contauta con nos”.