Güei ve la lluz OVD la revista dixital de l’Asociación d’Uvieistes Espíritu 2003.

Naz cola vocación de quedase ente nos, de que cale ente l'afición azul y se convierta nun espaciu de comunicación al rodiu de nueso queríu Real Uviéu.

OVD nun tendrá una periodicidá tala sinón que va salir invariablemente los vienres de caúna les selmanes nes que l'equipu xuegue nel Carlos Tartiere, como ocurre güei.

Esti primer númberu ye un poco especial pues incluye'l resumen de toles actividaes feches por E´03 durante l’añu 2009 que ya fina. Ye un compendiu d’aiciones que ponen de manifiesto una realidá. La fuerza d’esta afición azul y como una idea individual de cualesquier de nos pode convertise nuna realidá nel club azul.

Pa nos dende E´03 ye perimportante destacar esto, pues ye'l pilar básicu de l'asociación. Ca persona, ca aficionáu ye importante y tien muncho que dicir y ye la suma de munchos indivíduos lo que va danos más fuerza ca día.

La revista será unviada per corréu electrónico a tolos socios d’E03 y tamién a toos/es que lo soliciten al traviés del espaciu específicu creáu en www.espiritu2003.com

OVD recíbese en formatu dixital con visor Page Flip lo que quier dicir que lleeremos la revista como si la tuviéremos delantre de nos pasando manualmente d’una páxina a otra. Veréis qu'anque paeza dalgo mui complicáu, yes mui fácil l'adaptación. Esti sistema ye proporcionáu de baldre por ISSUU y ésti ye’l nome qu'apaecerá ca vez que la recibáis.

Otra carauterística d'OVD ye que ta totalmente abierta a modificaciones. Tanto de formatu como de conteníu. Si dalguién "controla" de diseñu y maquetación y quier echanos una mano pa dir meyorándola será más que bienveníu. Si dalguién quier proponer una nueva sección y encargase d’ella será más que bienveníu, etc, etc.

No vos entretenemos más. Tol mundu que tea interesáu en recibir OVD nel so email ya sabe’l camín. www.espiritu2003.com

Subscribirse a OVD Magazine:

Necesariu* Nome  *   Field not valid (required or bad value) E-mail  *   Field not valid (required or bad value)     Field not valid (required or bad value)