A l’Asociación d’Uvieistes Espíritu 2003 presta-y presentar na sociedá'l so segundu trabayu lliterariu: "El Himno del Real Oviedo y Otras Canciones Oviedistas". Nesta ocasión, la pluma de Francisco Fernández-Guisasola Muñiz guíanos al traviés d’un recorríu que describe les composiciones musicales qu'a lo llargu de la historia inspiró'l nueso "Oviedín del alma".

Quiciabes una imaxen val más que mil pallabres, pero la música va más lloñe, la música tresciende‘l tiempu y l'espaciu. L'Himnu de nueso ye esi gran desconocíu de la identidá azul que compartimos, bien poco se fala d’él anque siempres nos acompaña n’ese ritual qu'escenifica la nuesa esperanza cuando l'equipu de nueso salta al prau como llocal y los nuesos anhelos alcuentran una correspondencia nesi paisaxe sonoru qu'a toos conmueve.

"El Himno del Real Oviedo y Otras Canciones Oviedistas" descúbrenos tolos secretos de la banda sonora d’esa dilatada historia d’amor que sólo los aficionaos al Real Uviéu somos quien a entender: los nuesos colores y la so música faen que’l corazón de nueso siga valtando, que nun diemos por perdida nenguna ilusión; alcuérdanos que podemos algamar los nuesos suaños.

El llibru tá prologáu pol Maestru Gaiteru José Manuel Fernández, Guti, Codireutor de la Banda de Gaites Ciudá d’Uviéu, tien 212 páxines (y munches ilustraciones) y pue mercase, al módicu preciu de 10€, nos siguientes puntos de venta:

• Puestu de l’Asociación d’Uvieistes Espíritu 2003 nel Tartiere los díes de partíu del Real Uviéu (na esquina NW del campu, xunto al bustu d’Armando Barbón)
• Librería Cervantes (c/ Dr. Casal 9 y online) - Llibrería Asturiana Trabe (c/ P. Buenaventura Paredes, 4 - Pumarín)
• Librería ‘El Galeón’ (c/ Argañosa, 95)
• Quioscu ‘El Trampolín’ (c/ Gral. Zuvillaga, 12 - Frente al INEM)

Edición llimitada.

Si nun te faes con él agora, vas arrepentite.